Xornada de Lanzamento de Retos Innovatech FP 2025
O pasado 5 de decembro, o alumnado do CIFP Politécnico de Santiago participou activamente na Xornada de Lanzamento de Retos do programa Innovatech FP 2025, celebrada no Palacio de Congresos e Exposicións de Galicia.
Baixo a dirección dos seus respectivos coordinadores de equipo, o noso alumnado, organizado en 13 equipos, asumiu un total de 8 retos propostos polas empresas participantes. Este esforzo reflicte o compromiso coa innovación, a creatividade e o traballo colaborativo no ámbito da Formación Profesional.
A xornada estivo presidida polo Conselleiro de Educación, Román Rodríguez, e contou coa intervención da Directora Xeral de Formación Profesional, Eugenia Pérez. Durante o evento, as 20 empresas participantes presentaron os seus retos, fomentando sinerxías enriquecedoras entre o mundo empresarial e educativo.
Moita sorte a todos os equipos que participan neste innovador proxecto!