Restauración dun vehículo de Protección Civil

Froito da colaboración entre o CIFP Politécnico de Santiago e Protección Civil de Santiago, procedeuse á restauración dun vehículo emblemático desta entidade.

O automóbil fora cedido á familia profesional de Transporte e Mantemento de Vehículos para a realización de prácticas formativas polo alumnado. Tras os traballos efectuados no centro, o vehículo puido ser recuperado e reincorporado ao servizo activo.

Esta iniciativa constitúe un exemplo de cooperación entre institucións que favorece, ao mesmo tempo, a aprendizaxe do alumnado e a prestación dun servizo útil á cidadanía.