Os funcionarios da UE “regresan á escola”

O luns 23 de outubro, os alumnos do CIFP Politécnico de Santiago matriculados en 2º curso, asistiron á charla impartida por D. Javier Calviño López, Xefe de Departamento na Dirección Xeral de Innovación e Apoio Tecnolóxico no Parlamento Europeo. 

Esta actividade forma parte do programa “Back to School” da UE, a través do cal os funcionarios das institucións da UE teñen a posibilidade de visitar as súas antigas escolas e localidades de orixe, para falar cos estudantes da zona sobre a súa elección de carreira europea e os seus traballos actuáis como funcionarios da UE. O relator destacou as múltiples oportunidades laborais que ofrecen as Institucións da UE, á vez que animou a todos os presentes a participar nos procesos de selección de persoal que convocan periodicamente ditas institucións, tal e como el mesmo fixo 20 anos atrás.