EMPRENDEMENTO: Programa Eduemprende "Prepárate para o salto"

Conferencia "Sé intelixente cos teus cartos"

Na procura de mellorar o nivel de alfabetización financeira do noso alumnado, no CIFP Politécnico de Santiago, tivo lugar o pasado 6 de maio a conferencia 'Sé intelixente cos teus cartos', impartida pola relatora Carlota Sánchez, Coordinadora adxunta do Área de Educación Superior de Afundación (Obra Social ABANCA). Neste evento participaron os estudantes de 1º curso de CS Deseño e amoblamento, 1º CM Carpintaría e moble, 1º CM Instalacións Eléctricas e Automáticas, centrando a súa atención nos seguintes temas:

• Xestión dun orzamento persoal
• Ferramentas dixitais que axudan a controlar os cartos
• Selección de indicadores para comparar e elixir os mellores produtos financeiros
• Importancia do aforro a longo prazo

Esta acción formativa enmárcase dentro do programa Eduemprende, que promove o espírito emprendedor no sistema educativo de Galicia e busca avanzar na cultura do emprendemento entre o alumnado.