EMPRENDEMENTO: Emprender baixo a fórmula cooperativa

O CIFP Politécnico de Santiago continúa coa súa aposta polo fomento do emprendemento a través da economía social. No marco das III Xornadas de Orientación Laboral e Emprendemento, contamos coa presenza de Rosa Álvarez Bernárdez, representante de Espazo Coop, quen impartiu unha charla divulgativa sobre o emprendemento cooperativo dirixida ao alumnado de 2º curso dos diferentes ciclos formativos do centro. 

Con esta actividade, reforzamos o noso compromiso de promover unha cultura de cooperación, solidariedade e emprendemento social entre a mocidade. Esta sesión súmase á xa realizada o pasado 8 de novembro, enmarcada no Programa de Sensibilización en Emprendemento Cooperativo (EUSUMO 2024-2025), coa charla “E ti, coñeces a fórmula?”, onde tivemos a oportunidade de coñecer o funcionamento das Cooperativas Xuvenís a través da experiencia de Carmen del Río unha das socias de XACIAS, Cooperativa Galega de Comunicación.