Da aula ao mundo profesional

Da aula ao mundo profesional: emprendemento en primeira persoa! 

Este xoves, 22 de outubro, celebramos no CIFP Politécnico de Santiago a xornada "Fórmate para o futuro", promovida por UPTA e financiada por Fundae.

Contamos coa participación de Eduardo Abad, presidente de UPTA; Ana Isabel San José Bravo, técnica de Fundae e Jesús Diéguez , secretario de UPTA que achegaron ao alumnado as claves do autoemprego e a importancia da formación continua.

Ademais, Nicolás Quiñoy e Óscar Silva, socios de @ondamarfilms e viveiristas do noso centro; Santiago Resúa Nice, xerente de IRONOR Metalurxia e exalumno do CIFP Politécnico de Santiago; e Daniel Pampín, de @amasamebakery, compartiron con noso alumnado as súas experiencias emprendedoras.

Inspiración, aprendizaxe e referentes reais para construír o futuro profesional!

Grazas a todas as persoas participantes por achegar o emprendemento á FP.