Congreso de Mobilidade Sustentable en Medios de Transporte
Participación destacada dos nosos alumnos da Familia Profesional de Transporte e Mantemento de Vehículos do Politécnico de Santiago no Congreso de Mobilidade Sustentable en Medios de Transporte - FP Galega!
O xoves, 30 de maio, estivemos presentes en Vilagarcía de Arousa, nun evento organizado conxuntamente polo CIFP Fontecarmoa e o IES de Vilalonga. Xornadas formativas como esta fomentan a innovación e o espírito emprendedor, achegando ao alumnado á realidade do mundo laboral no sector da automoción.
Os nosos estudantes tiveron a oportunidade de coñecer máis de preto a estrutura empresarial do sector produtivo galego do mundo do automóbil. Sen dúbida, unha experiencia enriquecedora que non nos podiamos perder!