AULAS EMPRENDEMENTO: O que debes coñecer da IA aplicada ao emprendemento

O pasado 12 de novembro celebrouse no Salón de Actos do CIFP Politécnico de Santiago unha nova actividade incluída no programa de Aulas de Emprendemento. Co título “O que debes coñecer da IA aplicada ao emprendemento”, a sesión foi impartida por Raquel Pedrouso e dirixida ao alumnado de 2º curso de ciclos formativos matriculado no módulo de Empresa e Iniciativa Emprendedora (EIE). 

Esta xornada tivo como obxectivo proporcionar aos participantes as habilidades e coñecementos necesarios para impulsar as súas ideas emprendedoras empregando ferramentas innovadoras de intelixencia artificial. A través de exemplos prácticos e aplicacións reais, os asistentes descubriron como a IA pode transformar e mellorar o proceso de creación de proxectos. 

Esta actividade foi financiada polo Ministerio de Educación, Formación Profesional e Deportes e pola Unión Europea - Next GenerationEU (Reparto 2023), no marco do Plan de Recuperación, Transformación e Resiliencia. 

Dende o CIFP Politécnico de Santiago agradecemos o interese e a participación do noso alumnado, convencidos de que estas actividades contribúen ao seu desenvolvemento profesional e persoal. 

Seguimos apostando por unha formación actual e innovadora ao servizo do emprendemento!"