Ir o contido principal

Visita ao viveiro do Politécnico


"Visita ao viveiro do CIFP Politécnico de Santiago do alumnado de 2º curso, dentro do programa Emprende"

O alumnado de 2º curso dos ciclos formativos do centro visitou o viveiro de empresas, ao longo do primeiro (14 a 18 de decembro) e segundo trimestre (ao longo dos meses de xaneiro e febreiro) deste curso, dentro do programa Emprende. Este programa, que se desenvolve no marco do Plan eduemprende, vai dirixido a fomentar, motivar e sensibilizar ao alumnado no espírito emprendedor, a través da presentación dos distintos programas que ofrece a Consellería de Cultura, Educación e Universidade no Plan Eduemprende.

A actividade comeza cunha charla- presentación na súa aula sobre emprendemento, os programas Actúa, Idea, Atrévete, Finanzas para Mortais, Preparados para o salto, EduTecEmprende e Emprende.

A continuación o alumnado visita as instalacións do viveiro de empresas que ten a súa sede no CIFP Politécnico de Santiago e coñece aos emprendedores que teñen a súa empresa en funcionamento no mesmo (PF Technologies, S.L.).

O CIFP Politécnico de Santiago acolle ao redor de mil cincocentos alumnos e alumnas en oito familias profesionais, convertíndose nun punto de encontro entre a formación profesional e o mundo laboral.

Redes sociais