Segunda visita Erasmus+ de profesorado de Italia
Do 19 ao 23 de maio, no CIFP Politécnico de Santiago tivemos o pracer de recibir a 3 docentes máis do Istituto di Istruzione Superiore “F. Severi” (Italia) dentro do programa de mobilidade Erasmus+.
Durante a súa estancia, coñeceron de preto a nosa metodoloxía e proxectos formativos, e compartiron diferentes experiencias educativas do departamento de Electricidade e Electrónica:
- FOGAR DIXITAL, espazo intelixente e conectado no que puideron coñecer de preto a integración das novas tecnoloxías aplicadas ao control das Smart Buildings como KNX, Z-Wave, microntroladores, interfaces personalizadas, interlixencia artificial, controis biométricos e por voz.
- AULA de ROBÓTICA onde observaron, entre outros, o Xemelgo Dixital coa súa maqueta didáctica elaborada no propio centro e o cobot de Universal Robots realizando un proceso de paletizado.
Ademáis destas actividades, tiveron a oportunidade de realizar visitas acompañadas de varias/s da/os nosa/os compañeiras/os, ás instalacións de orgnanismos colaboradores como o CESGA, CAFI e o IES San Clemente, ampliando así a súa visión sobre a formación profesional e tecnolóxica en Galicia. O noso máis sinceiro agradecemento a ditos centros pola súa colaboración e acollida.
Grazie mille per la tua visita!