Letras Galegas 2024
Celebración do Día das Letras Galegas homenaxeando a Luísa Villalta!
No salón de actos do Politécnico de Santiago , tivemos a honra de presenciar a adaptación teatral da súa obra "Concerto para un home só".
A representación correu a cargo do Grupo de Teatro CIFP Politécnico de Santiago, formado por profesores e profesoras dos Departamentos de Electricidade e Electrónica, Química, Madeira e Fabricación Mecánica e estivo dirixida maxistralmente pola nosa compañeira Edita Álvarez.
O evento acadou unha fantástica acollida entre o numeroso público asistente, composto por alumnado e profesorado do Politécnico de Santiago, demostrando unha vez máis o compromiso da nosa comunidade educativa coa cultura galega.
Grazas a todos por compartir connosco esta xornada inesquecible!