FPINNOVA 2026

✨ FPINNOVA 2026 | Innovación con selo galego ✨

Os días 22, 23 e 24 de abril participamos nunha nova edición de FP Innova na Cidade da Cultura de Santiago de Compostela, un encontro cheo de talento, creatividade e propostas vangardistas chegadas de centros de toda Galicia. 📍

O CIFP Politécnico de Santiago presentou un innovador proxecto de diagnose precoz de avarías no automóbil a través da termografía infravermella 🔧🚗. Este sistema permite detectar anomalías antes de que se convertan en fallos graves, identificando compoñentes con sobrequecementos mediante análise térmica. Unha ferramenta que axuda a gañar tempo e anticiparse a problemas maiores.

Ademais, colaboramos coa familia profesional de Química nas iniciativas desenvolvidas polo IES Lamas de Abade, dentro do proxecto de deseño, elaboración e personalización de protectores bucais e dispositivos portátiles de desinfección 🧪🦷✨.

Unha experiencia enriquecedora que pon en valor o traballo do noso alumnado e profesorado, apostando pola innovación e o futuro da Formación Profesional. 💪🚀

+info:

Publicación elCorreoGallego: https://www.elcorreogallego.es/galicia/2026/04/23/menus-dron-palas-batea-fpinnova-129407950.html

Fotos Galeria Oficial FPInnova_2026: https://fpinnova.gal/galeria/index.html