Exposición de lámpadas

O vestíbulo do CIFP Politécnico de Santiago acolle unha exposición das lámpadas elaboradas polo alumnado de 2º curso de FP Básica de Carpintaría e Moble, como parte do seu traballo práctico no ciclo.

A mostra inclúe un concurso de elección da lámpada preferida, no que toda a comunidade educativa pode participar votando polo deseño que máis lle guste. Para facilitar a participación, dispúxose unha urna de votación no propio espazo expositivo.

Esta iniciativa pon en valor o traballo manual, a creatividade e o proceso de aprendizaxe do alumnado, ao tempo que fomenta a participación activa do centro nas actividades educativas e formativas.

A actividade está coordinada polo profesor José María Cebeiro Fernández.