EDUEMPRENDE ACTÚA: Descubrindo o potencial emprendedor

O pasado martes, 25 de marzo, o alumnado de 1º CS AUTO e 2º CS DESAMO tivo a oportunidade de participar nun taller práctico que lles permitiu afondar no autocoñecemento e nas súas habilidades emprendedoras. A sesión, titulada “Análise das miñas capacidades emprendedoras”, foi impartida por Verónica Ruzo, socia de @promove.consultoria , dentro do programa #Eduemprende Actúa. 

Durante dúas horas, os participantes, organizados por equipos, realizaron diferentes dinámicas e exercicios prácticos que lles permitiron identificar e poñer en valor as súas competencias sociais. A comunicación, a cooperación, a resolución de problemas e a capacidade de adaptación foron algúns dos aspectos clave abordados ao longo da actividade. 

Este tipo de accións formativas teñen como obxectivo que o alumnado tome conciencia da importancia de desenvolver habilidades transversais esenciais para o seu futuro profesional, tanto no ámbito do emprendemento como en calquera outro contexto laboral. 

Agradecemos a Verónica Ruzo a súa implicación nesta iniciativa e ao noso alumnado a súa participación activa e motivación ao longo do taller.