AULAS DE EMPRENDEMENTO: Familia Profesional Transporte e Mantemento de Vehículos

O pasado xoves, 11 de xaneiro, retomamos a actividade das nosas Aulas de Emprendemento no CIFP Politécnico de Santiago. 

Durante toda a mañá, os alumnos de 2º CS AUTO, 2º CM ELVEA A e 2º CM CARRO A tiveron a oportunidade de participar nas xornadas formativas sobre “Novas técnicas de investigación e peritación de accidentes de tráfico” a cargo do relator Román Álvarez Vijande. 

Desde un enfoque eminentemente práctico, o alumnado puido coñecer os distintos apartados do proceso de peritación, establecer o proceso de análise de danos así como manexar programas de peritación. Outro obxectivo fundamental foi o de fomentar o emprendemento, explorando novos nichos de mercado no sector da peritación e destacando a importancia do mesmo como posible saída profesional para os nosos alumnos

Acción financiada polo Ministerio de Educación e FP, Unión Europea NextGenerationEU, Plan de Recuperación, Transformación e Resilencia (PRTR).