Aulas de Emprendemento
Aulas de Emprendemento: Innovación e emprendemento con baterías e sistemas de tracción en vehículos eléctricos
Alumnado de 1º e 2º curso do Ciclo Superior de Automoción e de 2º curso do Ciclo Medio de Electromecánica de vehículos automóbiles participou os días 19 e 20 de outubro no salón de actos do centro na actividade formativa “Innovación e emprendemento con baterías e sistemas de tracción en vehículos eléctricos”, cunha duración de oito horas.
Esta actividade encádrase no programa “Aulas de emprendemento”, que ten por obxecto fomentar o emprendemento no sistema educativo non universitario asociado á innovación, a competitividade e o crecemento da economía. Búscase asociar a innovación coas ideas de creación de novas empresas no sector da automoción. Asistiron 56 alumn@s e 9 profesores do centro da familia da automoción. Esta acción se desenvolve dentro das actuacións vinculadas ao Plan de Formación Profesional para el Crecimiento Económico y Social y la Empleabilidad, “Creación de aulas de emprendimiento en FP”. Esta actuación é cofinanciada polo Ministerio de Educación y Formación Profesional y pola Unión Europea NextGenerationEU, dentro do programa de cooperación territorial.
