Aulas de Emprendemento
O alumnado e parte do profesorado dos ciclos de Instalacións eléctricas e automáticas, Sistemas electrotécnicos e automáticos, Robótica industrial e Instalacións de telecomunicacións, da familia profesional de Electricidade e electrónica, visitaron a feira bianual internacional de MATELEC (Salón Internacional de solucións para a industria eléctrica e electrónica) celebrado en Madrid entre o 15 e o 18 de novembro de 2022, dentro do programa “Aulas de emprendemento”. A feira desenvolveuse baixo o lema “Inspiración e Negocio – Construíndo o futuro” e os eixos temáticos xiraron sobre a sustentabilidade, a innovación e a tecnoloxía.
Obxectivos da actividade:
- Coñecer as novidades e innovación existentes no sector da electricidade e electrónica.
- Coñecer as distintas solucións de montaxe, mantemento e explotación de instalacións.
- Visitar os stands para coñecer as distintas empresas do sector participantes na feira.
Esta actividade encádrase no programa “Aulas de emprendemento”, que ten por obxecto fomentar o emprendemento no sistema educativo non universitario asociado á innovación, a competitividade e o crecemento da economía. Búscase asociar a innovación coas ideas de creación de novas empresas no sector de electricidade e electrónica.
Esta acción desenvólvese dentro das actuacións vinculadas ao Plan de Formación Profesional para el Crecimiento Económico y Social y la Empleabilidad, “Creación de aulas de emprendimiento en FP”. Esta actuación é financiada polo Ministerio de Educación y Formación Profesional e pola Unión Europea NextGenerationEU, dentro do programa de cooperación territorial.