O Concello pon en marcha o II Concurso de Vídeo-Creación para centros de ensino
O Concello pon en marcha o II Concurso de Vídeo-Creación para centros de ensino | |
|---|---|
 | O Concello de Santiago ven de poñer en marcha o II Concurso de Vídeo-Creación para centros de ensino, coa finalidade de achegar a toda a comunidade educativa argumentos positivos para o uso da lingua galega a través das canles e linguaxes que gozan de maior atracción nestes momentos, como é o caso do audiovisual. |
Con esta iniciativa preténdese contribuír á difusión dos traballos audiovisuais, que se realizan no ámbito escolar sobre a difusión da lingua galega así como incentivar a realización de novos proxectos audiovisuais en torno á normalización da lingua. Poderán participar neste certame todos os centros públicos e privados de toda Galicia, que impartan educación infantil, primaria, secundaria obrigatoria e secundaria postobligatoria. Haberá dous tipos de premio: o que concede o xurado, un por cada unha das catro categorías (infantil, primaria, secundaria obrigatoria e secundaria postobrigatoria) e o que concede o público, que poderá visionar os traballos a través da rede. Ambos están valorados en 400 euros. Preme sobre a seguinte ligazón para acceder ás bases do concurso. | |