Dobre éxito do CIFP Politécnico de Santiago na gala de entrega de premios Eduemprende Idea 2026

Este xoves,  5 de novembro, o CIFP Politécnico de Santiago participou na gala de entrega de premios do concurso Eduemprende Idea 2026, celebrada no noso centro, cun resultado extraordinario: dous dos proxectos presentados polo alumnado acadaron recoñecementos nesta edición.

Os proxectos premiados foron:

• 🥇 HYGROROCK – 1.º premio na modalidade B (Grao Medio), dotado con 3.000 €.
  • Alumnado: Emma Felpete, Adriana Iglesias e Alejandro Corbillón.
  • Profesora titora: Teresa Moya Fernández.
• 🥈 PROTENORD – 2.º premio na modalidade A (Grao Superior), dotado con 2.000 €.
  • Alumnado: Hugo Martínez e Hugo Vázquez.
  • Profesora titora: Laura Silva Teijeiro.

Este dobre recoñecemento pon en valor o talento, a creatividade e a capacidade innovadora do noso alumnado, así como o traballo de orientación e acompañamento desenvolvido polo profesorado ao longo do proceso.

A gala estivo presidida polo conselleiro de Educación, Ciencia, Universidades e FP, Román Rodríguez, acompañado pola directora xeral de FP, Eugenia Pérez, e pola directora xeral de Traballo Autónomo e Economía Social, Marta Vázquez Guzmán.

Ademais do recoñecemento económico, os proxectos premiados poderán incorporarse á Rede de Viveiros de Empresa da Consellería de Educación e recibir asesoramento especializado a través da Rede de Polos de Emprendemento e Apoio ao Emprego, co obxectivo de avanzar cara á súa posible posta en marcha.

Desde o CIFP Politécnico de Santiago queremos felicitar aos cinco estudantes premiados e agradecer o compromiso e a implicación das profesoras participantes así como da Coordinadora de Emprendemento, Mónica Rodríguez Beiro.

Dous proxectos, cinco estudantes e unha mesma aposta: transformar ideas en oportunidades de futuro.

Máis información

• Noticia en El Correo Gallego https://www.elcorreogallego.es/santiago/2026/11/05/alumnos-politecnico-detras-proyectos-emprendedores-136123103.html
• Nota de prensa da Xunta de Galicia https://www.xunta.gal/es/notas-de-prensa/-/nova/030067/xunta-reconoce-con-los-premios-atrevete-eduemprende-idea-alumnado-15-centros