A robótica chega ao CIFP Politécnico de Santiago
O CIFP Politécnico de Santiago acollerá a Jornada HispaRob ERW2026 da Semana Europea da Robótica
Os días 26 e 27 de novembro, o CIFP Politécnico de Santiago converterase nun dos puntos de encontro da Semana Europea da Robótica 2026 (European Robotics Week – ERW) ao acoller a Jornada HispaRob ERW2026 «Robota: Cultura Robótica».
Organizada por HispaRob, coordinador nacional da Semana Europea da Robótica, a xornada reunirá no noso centro a profesionais da robótica, empresas, persoal investigador, institucións e comunidade educativa para compartir experiencias e coñecemento arredor da robótica, a intelixencia artificial, a educación, o pensamento computacional e as disciplinas STEAM.
Durante os dous días desenvolveranse diferentes actividades, relatorios, encontros e demostracións nos espazos do centro. O CIFP Politécnico de Santiago participa activamente na organización e desenvolvemento destas xornadas, que nos permitirán achegarnos ás tecnoloxías que están transformando a industria, a educación e a sociedade.
A European Robotics Week celébrase cada ano co obxectivo de achegar a investigación e a innovación en robótica á cidadanía e fomentar o interese pola ciencia e a tecnoloxía.
Máis información: