O Politécnico amplía a súa colaboración internacional

O CIFP Politécnico de Santiago asina dous acordos de colaboración con centros educativos de Shanghai (China)

O CIFP Politécnico de Santiago vén de asinar en Shanghai (China) dous acordos de colaboración con institucións educativas da cidade: o Shanghai College of Science and Technology e o Shanghai Institute of Commerce & Foreign Languages.

Estes acordos teñen como obxectivo promover os intercambios, fomentar a colaboración académica e impulsar o desenvolvemento de actividades conxuntas de innovación.

Con estas novas alianzas, o CIFP Politécnico de Santiago continúa ampliando as súas relacións internacionais e abrindo novas oportunidades de cooperación no ámbito educativo e tecnolóxico.