Doazón Consorcio

Doazón das últimas publicacións do Consorcio de Santiago

A biblioteca do CIFP Politécnico de Santiago recibiu recentemente a doazón das últimas publicacións editadas polo Consorcio de Santiago, que pasarán a formar parte do fondo bibliográfico do centro. 

Esta entrega permite incorporar á nosa biblioteca novos títulos dedicados á historia, á arte e á cultura de Santiago de Compostela, ampliando así os recursos documentais dispoñibles para o alumnado, o profesorado e toda a comunidade educativa. 

Desde o centro queremos agradecer ao Consorcio de Santiago esta colaboración, que contribúe a enriquecer o noso fondo bibliográfico e a facilitar o acceso a publicacións de gran interese para o coñecemento do patrimonio e da historia da cidade.

Lembramos aos nosos usuarios que poden consultar o listado de todos os fondos da Biblioteca na seguinte ligazón.