Cooperativismo

“E ti, coñeces a fórmula?”: o cooperativismo chega ás aulas

No CIFP Politécnico seguimos apostando polo emprendemento cooperativo participando nas charlas “E ti, coñeces a fórmula?”, organizadas por @espazocoopcooperativas en colaboración co Concello de Santiago.

As sesións desenvolvéronse durante os días 30 de setembro, 3 e 9 de outubro, dentro do programa “Sensibilización sobre Cooperativismo”, unha iniciativa que busca difundir o modelo cooperativo entre o alumnado de centros de ensino de Santiago e dar a coñecer novas vías de acceso ao emprego.

O noso alumnado tivo a oportunidade de coñecer experiencias reais de cooperativas en funcionamento, como Agalterra Medioambiente, Creativas Galegas, e Maier Ferroplast, S. Coop. Galega, así como o labor dos técnicos da Unión de Cooperativas Galegas EspazoCoop.

Grazas a todas as persoas e entidades participantes por achegar o espírito cooperativo ás nosas aulas!

Actividade realizada no marco do Convenio de Colaboración 2025 entre o Concello de Santiago de Compostela, no contexto doPprograma Municipal” Feito en Santiago”, e a Unión de Cooperativas Galegas EspazoCoop.